IN LIEFDEVOLLE HERINNERING AAN BABY

28 April 2023

My liewe Baby

Woorde kan nie beskryf hoe baie ek jou mis nie. Daar is nie ‘n sekonde wat verby gaan wat ek nie aan jou dink nie. Jy was my Engel gestuur van bo en ek sal JOU nooit ooit vergeet nie. Daar was al soveel goeie tye wat ek vir altyd sal onthou, en daar was baie moeilike tye wat ek uit geleer het. Deur alles was jy altyd by my sy en jy kon altyd ‘n glimlag op my gesig sit en my dag soveel beter maak. Ek dink soveel soos wat jy nie kon wag vir die kar om te stop en my gesig kon sien nie en my stem kon hoor nie, was die gevoel dieselfde van my af. Ek kon nie wag om by die huis te kom en my Baby te sien op en af spring en blaf en roep vir ‘n vryf nie. Die beste was as jy ons kom stamp met jou snoet en kom vra vir bietjie liefde of as jy jou tou gooi om ons aandag te kry sodat ons met jou kan kom speel.

—

My bokkie Baby

Baie dankie vir die ongelooflike amazing hondjie, vriend, sussie en kind wat jy was. Jy het ons gesin so mooi opgepas en jou liefde het deur die hele huis gestraal. Jy was die mees gehoorsame hondjie en ons is almal baie trots op jou en trots om te sê jy was ons hondjie.

As ek die hele dag kon oordoen, wetend wat ek nou weet, sou jy die nuwe huis baie geniet het en ons sou baie goeie tye en goeie herinneringe saam gemaak het. Maar ek glo jy is in die beste plek moontlik en ek hoop jy sien my van daar bo want ek voel jou van hierso en ek sal jou nooit vergeet nie.

—

My liefste Baby

Ons is ontsettend baie lief vir jou en sal die liefde wat jy vir ons gegee het, nooit uit ons harte uit kry nie. Die tyd het gekom waar ons die Engel wat vir ons gestuur is van bo, weer moet terug stuur.

Totdat ons mekaar weer sien, totsiens❤️