IN LIEFDEVOLLE HERINNERING AAN VARKIE

24 Oktober 2023

My Lieffste Varkie Lyfie…

Ai, woorde kan nie beskryf hoe seer ek voel omdat ek jou moes laat gaan het nie.  Dit was moeilik, maar tog in my hart weet ek dit was die regte besluit vir jou.  Ek wens jy kon langer hier gewees het, jy is net te skielik weg my Varkie Lyfie, maar ek gun die rus vir jou!  Ek weet eendag gaan ek jou weer sien en vashou en soveel liefde gee!!!!

As ek aan jou dink, raak ek hartseer.  Jy sal altyd in my gedagtes wees my ou Varkie!  Ek sal al die goeie herinneringe vir altyd koester… daar is net goeie herinneringe van jou!!!

Dankie dat jy vir ons so baie geleer het.  Vir 5 jaar en 7 maandjies was jy deel van ons en ek as jou varkie mamma mis jou so baie!  Jou plekkie is leeg en ek mis die tydjies wat ons saam gehad het.  

Jy het met jou kleine ou voetjies diep spoortjies in my hart getrap en jy het my hart gesteel van dag 1 af wat ek jou gekry het toe jy maar net 6 wekies oud was.  

Ek mis alles van jou en jou cuddles, hoe jy altyd by my gelê het.  Hoe oulik jy was en hoe jy gegapies het.  Hoe oulik dit geklink het as jy jou kossies geeet het.  Hoe jy geslapies het.  Ek kon my altyd verkyk het aan jou.  

Jy was net ‘n plesier vir ons en dit is ‘n groot voorreg om jou varkie mamma te kon wees.  Jy het ons soveel vreugde gegee en my en jou varkie pappa se lewe het om jou gedraai…

My hart is in ‘n duisend stukkies omdat jy nie meer hier is nie, maar in my hart sal jy altyd wees.  Rus nou saggies ons liewe Varkie en darem weet ek daar waar jy nou is het jy nie meer pyn nie.  Ek is dankbaar omdat Liewe Jesus jou vir ons gegee het, en dat ons vir jou die beste lewe ooit kon gee!  En dat Hy jou so lank vir ons gespaar het…

Lief jou altyd ons ou steek Lyfie!!! Xxx

❤️❤️❤️❤️❤️❤️❤️