IN HERINNERING AAN MAX

My eerste groot liefde…

Ai my seun, ek kan nie begin verduidelik hoe seer ons harte is nie…

Van die eerste dag wat ons jou gaan aan neem het, het jy ons hart gesteel. ‘n Mens besef nooit hoe lief jy vir ‘n dier is tot hierdie dag aanbreek nie. Die swaarste dag nog vir ons.

Jy was my waghond, my oogappel, my skoot hond, al was jy so groot jy kon nooit op my skoot pas nie maar het wel probeer, en belangrikste van alles… Jy was en sal altyd my beste maat wees.

Ek se vir jou Dankie vir die 11 jaar wat jy gegee het aan my. Dit was die grootste eer. Die trane wat jy getroos het,  die liefde wat jy onvoorwaardelik gegee het en die lekker drukkies wat ons by jou kon kry as jy jou neus onder ons arms in kom druk het om ‘n vryf te kry.

Geen mooi woorde of gedigte sal kan beskryf hoe lief ons jou het nie. Ons sal altyd lief bly vir jou my seun.

Die groot ou Swart wolf, maar eintlik die kleinste en mooiste hart<3

Jou lyf was moeg en ons het lang praatjies hieroor gehad en ek hoop jy weet die keuse was gemaak omdat ek jou so ongelooflik lief het en laat jy uiteindelik by liewe Jesus se voete kan gaan le en waar daar net liefde is en waar jou sussie vir jou wag.

Ek hoop ek het jou trots gemaak. Ek hoop ek het vir jou genoeg liefde gegee en ek hoop laastens dat jy weet hoe lief ek jou het<3

Ek se weereens Dankie vir die 11 jaar wat jy aan ons gegee het. Ons is dankbaar en ons het jou lief my seun<3

Slaap sag my groot liefde.

Tot weer siens<3

Ou basie Max<3