IN LIEFDEVOLLE HERINNERING AAN VRYSTAAT

7 September 2017 – 12 September 2025

VOETSPORE GELOS DEUR JOU

Ons mis jou by die hek, daars nie meer Boerboel Love(Slobber)
wat deur die lug trek as jy jou kop skud van blydskap as ons by die huis kom.
Jy’s nie daar om ons te maak glimlag of lag nie,
AS jy so verby my hardloop en jou kop terug draai en smile vir my.
Jy’s nie daar om ‘n stuk van my braaihout te steel nie, ek mis dit,
Jou mok storm op my af as ons in die erf loop, ek mis dit.
Die huis is stil sonder jou,
Jy was meer as net ‘n troeteldier.
Jy was ons seuntjie, my Piesang, my Peanut, ons skaduwee, ons Velcro kind.
Dit sal tyd vat om oor die hartseer te kom,
Vir die stilte om nie meer seer te maak.
Die erf is nou so groot en leeg.
Ek luister nog vir jou grom, jou diep blaf, jou huil
vir die motorfietse wat iewers jaag.
Ek mis jou elke dag, my wakkermaak in die oggende.
Jy was so ‘n liefdevolle hond, so rustig met jou Ma,
met Heilene, Anroux, en ons familie. Ma se Koekie Monster.
Daar sal altyd spore van jou in ons harte wees.
Rus sag Seun.
Lief jou vir altyd en liefede groete vir Sasha.