IN HERINNERING AAN WESLEY

Vir ‘n rukkie lê ek elke aand op jou slaap plek en verlang na

jou. Wens dat jy my net weer in my oë kan kyk met daai

sagtheid in jou oë.

As ek gaan stort, klim ek nog steeds oor jou om jou nie raak

te trap nie.  Ek sit nog elke aand jou kosbak neer, maar dis

leeg, soos my hart.

Ek hoor jou water drink en ek hoor hoe jy in die gang afstap,

op soek na my.

Ek word wakker in die nag om te kyk waar jy is, en of jy warm

genoeg is.  Ek het vandag vir jou ‘n spierwit kers gaan koop,

en ‘n wit foto raam.  Jou halsband is waar ek elke dag daaraan

kan ruik.  Ek wag vir jou om huistoe te kom, in ‘n klein boksie,

sodat ek ‘n spesiale plekkie vir jou kan voorberei.

Ek wonder hoeveel skoenlappers het al op jou snoet gaan sit.

Onder hoeveel reenboë jy deurgehardloop het.  Of daar nog

blomme is waar jy is, want jy het altyd die blomme wat ek

geplant het, uitgepluk.

Is daar genoeg klippe waarmee jy kan speel en is die

grasperk lekker groen en dik, want jy het altyd gerol op die

gras.

My seunie.  My hart is seer en ek wens ek kan nog net een

keer agter jou rug kom lê en in jou oor fluister hoe lief ek vir jou is.

Mammie