IN LIEFDEVOLLE HERINNERING AAN EGOR

26 Junie 2023

Liefste Egor….

Ons “Mr Moon” oog kind….
Emosie is so kort woord maar met so groot betekenis en die impak daarvan stap met mens ‘n langer en dieper pad as wat jy graag sou wou… Net soos wat jy die pad met ons gestap het vir 13 jaar! Inderdaad voel dit of mens met stomheid geslaan is met tye, dat dat daar geen woorde is wat dit kan beskryf hoe ons hier diep binne voel oor jou heengaan! …dis amper asof ek my eie emosies begin wantrou het oor die grond wat onder ons uitgeruk was met die skokkende nuus – “Rainbow bridge is waiting…!!”
Vir daai oomblik… het dit gevoel my hart is uit my bors geruk! My ore bedrieg my!
Dit maal deur my kop…”Where do we go from here…?? This is not where we intended to be…!!”

Tog…, tog kyk ons met ‘n ongelooflike dankbare harte terug van die eeste dag wat ons jou gekry het! Ek onthou die dag so goed toe ons jou gaan haal het, jy was net ‘n baba… jy het dadelik in ons harte ingekruip en ons lewe onherroeplik verander!
Jy’t ons almal geleer wat die sagte sjarme van liefde was en die teerheid waarmee jy almal selfs jou jonger boeties en sussies behandel het… Jy het tyd vir almal gehad!
Ons sit met gebroke harte wat in duisende stukkies oral rondlê… maar tog, terselfde tyd dankbaar vir elke oomblik saam met jou vir dertien jaar wat jy vir ons geleen was…
Dankbaar dat ons sewe dae gehad het om afskeid te kon neem… skielik het sewe dae soos sewe minute gevoel… so gebid dat tyd net skielik sal gaan stil staan!
Tog…, tog was tyd die enigste ding wat teen ons was…
Ek het geweet die dag kom al hoe nader en nader dat jy gaan sê: “Goodbye, Pappa, is hard to die… When all the birds are singing in the sky… With the flowers ev’rywhere… Think of me and I’ll be there!!”
Ons het alles gedoen wat ons kon…en tog, magteloos!
Jy het so dapper terug geveg, en tog… tevergeefs.

Dit was ‘n voorreg om jou in ons arms te kon vashou terwyl jy jou engel vlerke gekry het… maar jy het ‘n stukkie van ons menswees saam jou gevat… en dit is goed want ons het ‘n band van liefde gedeel wat vir ewig sal hou! Daai stukkie van ons hart sal altyd joune wees!

Ek dwaal deur die huis… opsoek na gister se skaduwees van onthou! “…we had joy, we had fun… we had seasons in the sun… But the wine and the song, like the seasons, have all gone!”

Maar nou staan ons hier… met net die gisters se onthou! …en harde begin sonder jou!
Ons mis jou almal… mis jou op die bank lê.. mis jou bo jou pa se kop slaap, mis jou obsessie om op jou pa se bors te kon lê… en mis jou net hier by ons te wees!

“Goodbye my trusted friend…”

Liefies jou vir altyd my liewe kind… Tot ons weer ontmoet!

Gerhard en Trevor